9. Eqqakkanik suliaqarneq aamma avatangiisit

FN-ip Nunarsuarmi anguniagai – Anguniakkat ilaat Najugaqarfiusuni iliuuserisat
12.4
Akuutissat atortussiornermilu sinnikut akisussaassusilimmik suliaqarfigillit
Nunaqarfinni najugaqarfigisani eqqakkanik isumaginninnermut iliuusissatut pilersaarutit atorlugit silaannarmut, immamut nunatamullu aniatitsineq annikillisarniarparput, taamaalillutalu najugaqarfiutitsinni inunnut pinngortitamullu avatangiisut peqqinnarnerusut siuarsassallutigit.
12.5
Eqqakkat annertussusaat malunnartumik ikilisillit
Ilulissani tunngaviusunik immikkoortiteriffittalimmik qitiusumik eqqagassanut isumalluutinullu ingerlatsiviliornitsigut illoqarfimmi pingaarnermi eqqakkat annertussusaanni annertunerusoq najugaqarfimmi atugarineqaqqilernissaanut imaluunniit atoqqinneqarnissaanut ilalersueqataassaagut.
12.7
Pisortat pisiortornerini piujuartitsineq ussassaarutigili
Minguitsumik pisiortornermik naalakkersueriaatsikkut pisortani pisiortornerput akisussaaffeqarfigaarput.
12.8
Piujuartitsisutut inuusaaseqarnermik paasinninneq siammarsarli
Paasisitsiniaaneq innuttaasut eqqakkanut avatangiisinullu paasinninneranik annertusaaqataassaaq. Ileqqorisap allanngortup eqqakkat annertussusaasa tamatigoortumik annikillisinnissaannik nassataqassaaq, soorlulusooq uagut inuussutissarsiorfillu oqaloqateqarniartugut, aammalu suliffeqarfiit eqqakkat amerlassusaannik qanoq ilillutik annikillisaasinnaanerat, imaluunniit eqqakkanik piujuartitsinerusumik suliaqarsinnaanerat pillugu ilisimatitsissalluta.
14.1
Imartamik mingutsitsineq annikillisarli
Najugaqarfiusuni eqqakkanik suliaqarnermik iliuusissatut pilersaarutitigut nunami tunngaveqartutut suliarisanit eqqakkat nassatarisaannik imartamik mingutsitsineq annikillisinniarparput.