8. Imermut sukuluisaarnermullu attavilersorneqarneq

FN-ip Nunarsuarmi anguniagai – Anguniakkat ilaat Najugaqarfiusuni iliuuserisat
3.3
Nappaatinik tunillaassuuttunik akiuiniarneq
AIDS, corona, tuberkulose, hepatitis B nappaatillu allat akiornaripagut. Naalakkersuisut, Nukissiorfiit, Politiit aamma oqartussat allat suleqatigalugit inissianut tunngatillugu eqqiluisaarnermi sukuluisaarnermilu pissutsit pitsanngorsarniarpagut.
6.1
Kikkut tamaasa imermik imerneqarsinnaasumik pissaqartinnissaat
Innuttaasut pissutsit assigiinngitsut aallaavigalugit aaqqiissutissat assigiinngitsut atorlugit imermik eqqiluitsumik pisinnaanissaat sulissutiginiarparput.
6.2
Kikkut tamarmik perusuersartarfinnut, sukuluisaarnermut aamma eqqiluisaarnermik periarfissaqarnissaat
Illoqarfinnut, nunaqarfinnut aamma nunamut ammasumut Issittumik perusuersartarfimmik aaqqiissutissamik ineriartortitsiniarpugut, tassani perusuersartarfinnik ikkussuussinissamik pisariaqartitsiffiusumi, aamma eqqakkat aqqutaanik attavinnik peqarfiunngitsumi.
6.3
Erngup pitsaassusaata pitsanngorsarneqarnissaa aamma imikut pitsaanerusumik atorneqarnissaa
Naalakkersuisut peqatigalugit avatangiisinut pilersaarutip (imeq migutsitamut pilersaarummik taaneqartartut) suliarissavarput, taamaasilluni erngup pitsaassusaa qaffanniassammat.
Eqqagassanik pilersaarusiorneq aqqutigalugu taamaasillugulu avatangiisinik sunniinikkut mingutsitsineq millisinniarparput, kiversaasarneq unitsinniarparput aamma kemikalianik atortunillu ulorianartuni aniatitsineq millisinniarparput.
6.4
Imermik atuineq ingerlalluartilerlugu aamma imermik tarajoqanngitsumik pilersuineq qulakkeerlugu
Nukissiorfiit suleqatigalugu imermik sumiginnaanani imermik pilersuisarnermik isumaginninnissaq, aammalu imermik tarajoqanngitsumik pilersuisarnerup qularnaarnissaa sulissutiginiarparput. Qanoq imermik sipaartoqarsinnaaneq pillugu suleqatigiinnerit paasitsiniaanerillu aqqutigalugit innuttaasut ilisimatinniarpagut.
6.6
Uumasoqatigiit imermi aamma erngup eqqaani illersorsigit pilerseqqillugillu
Ingerlatsinermi pilersaarutit aqqutigalugit aserfallatsaaliuinikkullu uumasoqatigiit pilerseqqissavagut, taakku imermut, qaqqaqarfiit ilanngullugit, masarluit, kuuit, tatsit aamma imermut imigassamut puilasut pingaaruteqartut.
6.B
Najukkami erngup isumagineqarnera minguitsuuneralu tapersersorli
Issittumi perusuersartarfiit, imermik pilersuineq, illoqarfinnut, nunaqarfinnut piffinnullu illoqarfinni angisuuni aaqqiissutinik allanik pisariaqartunik ikorfartuillutalu nukittorsaaniarpugut, najukkami inuiaqatigiit erngup ingerlanneqarnera minguitsuutinneralu pitsanngorsarniarlugit peqataatillugit.