Motoorinik ingerlatillit nunaannarmi

Atuarnissaanut ilitsersuut

Ileqqoreqqusat aalajangersakkallu tamarmik ilaatigut pdf-filini ilaatigullu nunap assingini takuneqarsinnaapput.

Ileqqoreqqusani nunap assingi Kalaallit Nunaanni nunaannartamut tunngaviusutut nunap assinginik aallaaveqarlutik suliaapput. Kalaallit Nunaanni nunaannartamut suli nutarsakkanik nunap asseqanngilaq. Taamaattumik Pilersaarutinut nittartakkami aamma ileqqoreqqusani nunap assingisa akornanni assigiinngissuteqarsinnaavoq.

Pilersaarutinut nittartakkami nunap assingisa kommunimut tamarmut ataatsimut isiginniffissaq pilersuutigaat. Kisianni: Sumiiffinni ileqqoreqqusani nunap assinginut ilanngussat (pdf-filini), aamma Pilersaarutinut nittartakkami nunap assingisa (dynamic maps) akornanni  assigiinngissuteqartoqassappat ileqqoreqqusat (pdf-filini) nunap assingi atuutissapput.

Ileqqoreqqusat siunertaat

Angalanermut aqqutissiat toqqartornerisigut, sumilu angalasoqaqqusaannginneranik ukiuunerani Avannaata Kommuniani nunaannarmi sumi angallatinik motoorilinnik atugaqaqqusaaneranik ileqqoreqqusat makku malittarisassianik aalajangiipput.

Ileqqoreqqusat imaat

Ilulissanut ileqqoreqqusaq
Nuussuarmut ileqqoreqqusaq
Uummannamut ileqqoreqqusaq
Siggummut ileqqoreqqusaq
Upernavimmut ileqqoreqqusaq
Kullorsuarmut ileqqoreqqusaq
Avanersuarmut ileqqoreqqusaq

Matumuuna maannakkut kommunimut tamarmut ukiuunerani angallannermut nunaannarmi angallatit motoorillit atornissaat pillugit ileqqoreqqusanik peqartoqalernera Avannaata Kommuniata nalunaarutigisinnaavaa.

Kommune sumiiffinnut arfineq-marlunnut immikkoortitigaavoq, taakku tamarmik immikkut ileqqoreqqusamik peqarlutik. Sumi, pissutsillu sorliit atugaralugit angalasoqarsinnaaneranik ileqqoreqqusat taakku nassuiarpaat.

Aammattaaq assersuutigalugit imeqarfinnut pallitsaaliukkani, aamma pinngortitap malussariffeqarfigisinnaasaani sumiiffinni sorlerni angalaqqusaannginnerit ileqqoreqqusat nassuiarpaat.

Asimi angallatinik motoorilinnik aallannginnerminni sumiiffinnut tunngasutut ileqqoreqqusanik innuttaasut tamarmik atuassagaat kommunip kaammattuutigaa.

Inatsisini allassimasut aamma nunap assinganut ilanngussat aamma Inatsisiliorneq pillugu Naalakkersuisut nittartagaannit pissarsiarineqarsinnaapput: www.lovgivning.gl - http://lovgivning.gl/services/Soegeresultat/?cat={CA6393D3-FA93-470F-AFDB-ECAB7F81E0A9}

 

static-map
Henter...
static-map