Pilersaarusiornermut periusissiaq 2024, sapaatit akunnerini arfinilinni ulloq 4. November 2024-miit 16. December 2024-mut tusarniutigineqassaaq.
Kommunalbestyrelsi 1. oktober 2024-mi ataatsimiinermini Pilersaarusiornermut periusissiaq 2024 akuersissutigaa aalajangiissutigalugu kommunip takorluugai ”Ataatsimoorluta piujuartitsisumik ineriartortitsissasugut”.
Kommunimut pilersaarutip saqqummiunneqaannarnani, Pilersaarusiornermut periusissiaq 2024 politikkikkut aamma pingaarnersiuinermut atorneqartarpoq. Periusissiaq tamanut isiginnittuuvoq, kommunabestyrelsip timitaliilluni, inooqatigiinnikkut, aningaasaqarnikkut, piorsarsimassutsikkut aamma avatangiisitigut kiisalu silaannarmut tunngatillugu suliaanik nassuiaateqarnissaa siunertaalluni. Tamanna suliniuteqarfissat qulit aqqutigalugit ingerlanneqassaaq.
Pilersaarusiornermut periusissiaq suliassaqarfinni ataasiakkaani suliaqarnissamut tunngaviliisuuvoq. Suliniuteqarfiusussat qulit suliassaqarfinni suliassatut anguniakkanik imaqarput taamaasillutillu kommunip siunissami suliassaqarfimmi pilersaarutaanik suliaqarnissamut tunngaviliisuullutik.
Pilersaarusiornermut periusissiaq 2024 uani atuarsinnaavat: ISERFISSAQ
Kommunalbestyrelsip 1. oktober 2024-mi ataatsimiinneranit imaqarniliami politikkikkut aalajangiussineq pillugu itinerusumik atuagaqarsinnaavutit uani (LINK) Imaqarniliaq
Kommunimut pilersaarummut tapiliussatut siunnersuut sapaatip akunnerini arfinilinni tusarniutigineqassaaq. Piffissap taassuma iluani innuttaasut, suliffeqarfiit, paaqqinnittarfiit, peqatigiiffiit allallu tamarmik akerliliisinnaapput, oqaaseqaateqarsinnaapput allannguutissatullu siunnersuuteqarsinnaallutik.
Tusarniaanermut akissutit kommunip nittartagaa aqqutigalugu toqqaannaq allassinnaavat (http://kommuneplania.avannaata.gl/dk/hoering/hoering/) imaluunniit e-mailerlutit uunga Plan@avannaata.gl.
Akissutit aamma najukkami Sullissivimmut tunniussinnaavat imaluunniit kommunimut nassiullugu.
Kikkunnut tamanut tusarniutigineqareerpat akerliliissutaaratarsinnaasut imaluunniit allannguutissatut siunnersuutaaratarsinnaasut suliarineqassapput. Akerliliissutit aamma allannguutissatut siunnersuutit annikinnerusut borgmesterimit suliarineqassapput, tamatumalu kingorna siunnersuut inaarutaasumik aalajangiiffigineqassaaq, akerliliinerillu siunnersuutillu annertunerit kommunalbestyrelsimi suliarineqassallutik.
Tusarniaanermut akerliliissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 16. december 2024.