Periusissatut pilersaarut 2020 kommuni avim malli Avannaata Kommunia aatsaat periusissatut pilersaarusiorpoq. Pilersaarusiaq atorlugu ukiuni tulliuttuni ineriartortitsinissamut Kommunalbe-styrelsimiilaasortat politikkikkut takorluukkatik saqqummiuppaat.
Kommune ineriartornissamut periarfssaqar- luarluni kommunitut siuariartortuuvoq. Anin- gaasaqarnikkut ingerlalluartoqarpoq aamma ukiuni kingullerni marlunni kommunip akile-raarutitigutisertitai qafakkiartorsimapput. Taamatullu ingerlavugut annerusumik aalisarneq aamma illuliortiternissamut sanaartornissamullu aningaasaliinerput pissutaallutik. Mittarfliorneq aallartilluareerpoq, saniatigullu akunnittarfit nutaat, aalisakkeriviit, meeqqeriviit inissiallu sanaartorneqarput. Aappaagu Ilulissani Kangiata Illorsua nutaaq ammartussaq qilanaaraarput, kingunerisaanillu kommunimut tikeraartoqarnerulernissaa naatsorsuutigineqarpoq.
Ilulissat Kangia nunarsuaq tamakkerlugu ilisimaneqartutut silap allanngoriartorneranut ilisarnaataavoq. Silap allanngoriartornera paasisaqarfgiumallugu nunarsuaq tamakkerlugu siuttut ilisimatuullu kommunitsinnut sammipput maannartarpullu pissutsit qanimut misigisassarsiorfginiarlugit misissuifginiarlugillu. Taamaattumik “Kalaallit Nunaanni silap allanngoriartornerata ilisimasaqarfginissaanut pingaarnertut inissisimanissaq” kommunalbestyrelsimit angu- niarneqarpoq. Tamatuma kingunerisaanik iller- sorsinnaasumik iliuuseqarnissamut nukissallu pingaarnerpaajusup, tassa pinngortitap, iller- sornissaanut akisussaafeqarpugut. Pinngorti- tami pinngortitarlu ataqqillugu inuuneq kalaallit ileqqoralugulu kultureraarput, pinngortitallu eriaginissaanut taama iliorneq aaliangiisuulluin- nartussaavoq.
Taamaattumik Kommunalbestyrelsi aalianger- poq piujuartitsineq maannamiit kommunip ineriartortinneqarnissaanut tunngaviussasoq.Suliniutitta pingaarnersiornissaannut piujuartit- sinermillu anguniakkatta ersarissarnissaannut Naalagaafit Peqatigiit piujuartitsinermut Nunarsuarmioqatigiinnut anguniagaat Periusissatut pilersaarut 2020-mi sakkussatut atussallugu aaliangerpugut.
Kommunimi piujuartitsinermik allannguineq ullup ataatsip ingerlanerani piunnanngilaq, soorlut- taarlu Naalagaafit Peqatigiit Nunarsuarmio- qatigiinnut anguniagaat 2030-mut siunniuteq-qaneqartutuagut siunissaq ungasinnerusoq siunertaralugu sanaartortariaqarpugut. Siunissa- mi ungasinnerusumi Ilulissat illoqarfa CO2-mik aniatitsisuunnginnissaa anguniarparput.
Taamatut anguniagaqarnitsinni Periusissatut pilersaarusiaq 2020 kommunip sulinermi sakkussatut atugassaraa. Piginnittuulernissaq akisussaasuunissarlu anguniarlugit pilersaarusiornermi, kommunimi ingerlatsiviit, innuttaasut aamma kommunip avataani suleqataasut peqataatinneqarput. Tamakkiisoq isigalugu pilersaarusiaavoq tassanilu timitalii-nernut,inuuniarnermut, aningaasaqarnermut, kulturimut aamma avatangiisinut silallu allanngoriartorneranut tunngasut pillugit kommunalbestyrelsip anguniagai allaaserineqarput.
Kommunimi unammilligassarpassuaqarpoq aaqqinniagassatsinnik, ilaatigut avannaaniit kujammut nunap anginerujussuatigut ungasis- sutsit eqqarsaatigalugit. Taamaattumik pilersaarusiaq una atorlugu qanimut oqartussaaqataaneq atorneqarnerulissasoq taamaalillunilu kommunimi innuttaasut, illoqarfit nunaqarfillu aaliangeeqataanerunissaat sunniuteqarnerunissaallu anguneqassapput.
Atuarluarisi.
Kommunalbestyrelse sinnerlugu Borgmesteri, Palle Jerimiassen