Pilersaarutitut Periusissiaq 2020

Ulloq 19. februaari 2020-mi Pilersaarutitut Periusissiaq 2020 kommunalbestyrelsip akuerisimavaa, Avannaata Kommunia takorluukkamik nutaamik, naleqartitanik nutaanik, aamma periusissialikkatut iliuuseqarfissatut suliassaqarfinnik nutaanik pissarsiaqarnissaa pillugu aalajangiinermik ilaqartillugu. Kommunip pilersaarutaanut iluarsaassinissamut tunngavissiaanermi saniatigut Pilersaarutitut Periusissiaq 2020 aamma tassaavoq naalakkersuinermik ingerlatsinermi pingaarnersiuinermut sakkussaq, isumaginnittoqarfimmut, teknikkeqarfimmut, aningaasanik ingerlatsisoqarfimmut, inuussutissarsiorfinnik ineriartortitsinerup ilinniartitaanerullu iluini kommunalbestyrelsip takorluunaaginik nassuiaasuusoq.

Kommunalbestyrelsimut nutaamut Pilersaarutitut Periusissiaq 2020 akuerisaq tunniunneqassaaq, aammalu taanna Avannaata Kommuniata Kommunip pilersaarutaa 2018-2030-mut siunnersuut iluarsaassamik tunineqassaaq, kingulliup siunertaralugu Avannaata Kommuniata Kommunip pilersaarutaa 2021-2033-p suliarineqarnissaa. Kingornatigut takorluukkanut, naleqartitanut allanut, aamma iliuuseqarfissatut suliassaqarfinnut allaanerusumik periusissiaqarnissamut kommunalbestyrelse nutaaq allaanerusunik kissaaneqarnerminik nammineq aalajangiussissaaq. Matumuuna kissaatigisat, kiisalu pisariaqartitat, aammalu sutigut tamatigut sammisanik aalajangersimasunik imaqarsinnaasunik, taamaattumillu pingaarnerutitatut sammisanik imaqartariaqanngitsunik qaqugumulluunniit nutaamik pilersaarutitut periusissialiortoqarsinnaasoq ilisimatitsissutigineqassaaq.

Immikkoortortanut suliaqarnerit pilersaarutillu:
Pilersaarutitut periusissiaq aamma tassaavoq immikkoortortani ataasiakkaani suliaqarnermut tunngaviusoq. Immikkoortortani sulinermi iliuuseqarfissatut suliassaqarfiit ataasiakkaat tamarmik tigussaasunik angusassanik imaqarput, kommunimllu immikkoortortanut pilersaarutaannut siunissami suliaqarnissamut aallaaviullutik.