Piujuartitsinermik ineriartortitsineq ataatsimoorullugu

Takorluugaq

Avannaata Kommuniata piujuartitsinissaq anguniarpaa. Taamaattumik Kommunalbestyrels-inutaamiktakorluugaqarpoq aqqummut nutaamut ingerlanissamut assingusumik.

Ullumikkut siunissamilu inunnut avatangiisinullu pitsaasunik atugaqartitsinermik piujuartitsineq siunertaqarpoq. Nuna paarilluagaq kinguaatsinnut ingerlateqqissinnaaniassagatsigu isumalluutitta isumatusaartumik ingerlatarisarnissaannik tamanna kinguneqartussaavoq. Piujuartitsinermi inuu-niarnikkut,timitaliinikkut, aningaasaqarnikkut kiisalu silap pissusaa avatangiisillu matumani pineqarput.

Piujuartitsinermik ineriartortitsineq suliaq angisuujuvoq kommunip kisimi kivissinnaanngisaa. Tamatta tunniussaqassaagut taamaattumillu siunissami ineriartortitsinissatsinni innuttaasut, inuussutissarsiortut, kajumissutsiminnik suliniartut oqartussallu allat qanimut suleqatigisariaqarpavut. Taamaattumik Kommunalbestyrelsimit aaliangiunneqarpoq kommunip takorluugaa nutaaq tassaassasoq “Piujuartitsinermik ineriartortitsineq ataatsimoorullugu”.

Naleqartitat

Kommunip sulinera naleqartitanik sisamanik kommunimi innuttaasut oqaasertalersuifgeqatai tunngavigalugit ingerlassaaq. Naleqartitat sisamaasut kommunip siunissami sulinermini ilisarnaatigissavai taakkulu tunngavigalugit kommunip takorluukkani anguniakkanilu piviusunngortinnissaannut qulakkeerinnittuussallutik. Naleqartitat tassaapput:

  • Siunissaq ungasinnerusoq eqqarsaatigalugu pilersaarusiorneq: Siunissami pisariaqartitavut isumatusaarfgalugit siunissaq ungasinnerusoq piujuartitsinerlu qitiutissavagut
  • Nutaamik eqqarsarneq: Najukkani pisariaqartitat unammillernartitallu eqqarsaatigalugit naleqqussakkanik aaqqiissutissarsiussaagut
  • Pitsaassuseq: Kifartuussineq sulisullu suliatigut piginnaasaat nukittorsaavigineqassapput, taamaalilluni pitsaassuseq kommunip sulinerani ilisarnaataaniassammat
  • Akisussaassusearneq: Akisussaassuseqartumik iliuuseqassaagut innuttaasullu naatsorsuutigisaat naammassillugit

Periusissatut pilersaarut 2020-mi Nunarsuarmioqatigiinnut anguniakkat 17-iusut akornanni 15-it kalluarneqarput, taamaakkaluartoq Nunarsuarmioqatigiinnut anguniakkat arfinillit immikkut ersarissarneqarput Avannaata Kommuniata ukiuni tulliuttuni pilersaarusiorneranut pingaaruteqartumik attuumassuteqartut.