1. Najugaqarfinni inuiaqatigiit nukittuut, eqeersimaartumik inooqataaneq kulturilu

Inuunermut pitsaasumut piujuartitaqartumullu toqqammavissanik pilersitsiniarneq tamatta suliassaraarput. Taamaattumik najugaqarfutigut piujuartitsifttut aqqummut ineriartortissinnaa nerinut, aammalu kommuni akimorlugu najugaqarfusuni assigiinngissutsit piusut malillugit kommunip aamma innuttaasut akornanni sunniivigeqatigiilluarneq aalajangiisuulluinnarpoq.Taamaattumik kommunip ataqatigiissinnaassusia, najugaqarfusuni kulturit aamma inuit ataasiakkaat sunniuteqarfgisinnaasaattut oqartussaaqataaneq nukittorsarniarpagut.

Inooqataaneq tamallu qanimut oqartussaaqataanerat

Inooqataanermiipput innuttaasut aaliangeeqataanissamut pisinnaatitaafat, aamma aaliagiusseqatiginninnissamut periarfssaat. Innuttaasut tamat qanimut oqartussaaqataanermut suliaqarlutik peqataafgisaattut, aammalu najugaqarfusuni ataqatigiifnnut tamakkununnga ilanngussuifgissaattut allanngoriartorneq tapersersortuarniarparput.

Oqartussaaqataaneq aamma qinersinerni peqataasarnerit pillugit qaammarsaanertigut innuttaasut amerlanerit oqartussaaqataanermi pisinnaatitaafmminnik atuinissaat sulissutiginiarpagut. Assersuutigalugu qarasaasiaq atorlugu iluarsiissutit aqqutigalugit innuttaasunik ilanngussuisarnermut ilusaasumik misissuinikkut innuttaasut tamarmik oqartussaaqataasumik oqaloqatigiinnerni peqataanissaannut qanoq pitsaanerusunik periarfssiisinnaanerput misissorniarparput. Aamma assersuutigalugu innuttaasunit ingerlanneqartunut suliniutinut agguaassassanik pilersitsinikkut innuttaasut amerlanerit suliaqarnernik aammalu najugarisamittut inui- aqatigiinni akuufgisaminni ilorraap tungaanut allannguuteqarnissamik qanoq kaammattorsinnaanerigut misissorniarparput.

Kommunit allat assigalugit qnimut oqartussaaqataanerup qularnaarnissaanut aamma Avannaata Kommunia immikkut ittumik pisussaafeqarpoq. Kommunimi aaliangiisarnermik ingerlattakkani nunaqarfnni aqutsisut najukkamilu ataatsimiititaliat suliaqartitatut atorneqarlutillu ilanngussornissaat uagutsinnut pingaartuuvoq. Suliaqarnerat tapersersorniarpagut, taamaalillutik najugaqarfgisamik ineriartortitaanerata iluani aaliangiisinnaaqataassammata, iliuuserisaasalu sammivilerniarneranni ikiorniarpagut, taamaalillutik pifssamut ungasissumut tunngasuulissammata, aammalu ataatsimoorussatut aaliangiussanik tunngaveqassammata. Najukkami ataatsimiititalianut nunaqarfnnilu aqutsisunut aningaasaliinerit siunnersuinerillu saniatigut, innuttaasut kissaatiminnik isummaminnillu najukkaminni sinniisutik aqqutigalugit saqqummiussisinnaanissaat, aamma taamaammat ilanngullugu qulakkeerniarparput.

Tamatuma saniatigut, innuttaasut tusarniaassutinut akissutigisartagaat piviusorsiortumik atorneqarnissaat taakkulu tamanut ajornanngitsumik saqqummiunneqarnissaanissaat sulissutigiumavarput.

Najugaqarfusut akimorlugit ilisimasanik paarlaasseqatigiinneq

Najugaqarfusut tamarmik immikkut ittunik tamaviaarfssaqarlutillu piukkunnaateqarfupput. Taamaattumik kommune akimorlugu iluarsiissutit assigiit tamatigut atorsinnaaneq ajorpagut. Taamaattumik pilersaarusiornitsinni najugaqarfgisani assigiinngissutsit sianigisariaqarpagut. Aammali taamatut pisoqarnerani siunissami qanoq ineriartussanerminnut tunngatillugu najugaqarfit mikinerit amerlasuut assigiinnik tamaviaarfssaqarput. Taamaattoqarfnni najugaqarfit akornanni misilittakkanik ilisimasanillu paarlaasseqatigiinneq atorluarsinnaavoq. Taamaattumik assersuutigalugu ataatsimoorussatut pikkorissartitsinerit attaveqarfnnilu ataatsimiinnerit aqqutigalugit akimuisumik suleqatigiinnerup ilisimasanillu paarlaattarneri qanoq tapersersorsinnaallutigit misissorniarparput.

Kultureqarneq sunngifllu

Innuttaasut tamarmik sunngifmmi kulturikkullu sammissasaqartitsinernut peqataanissamut periarfssaqarnissaat kissaatigaarput. Tassaapput peqqissutsitsinnut atugarissaarnitsinnut pingaarutilittut ilaasut. Aamma kulturikkut ileqqorisagut nukittuut attannissaat nukittorsarnissaallu sulissutiginiarpagut.

Innuttaasunut assut nuannaarutaasumik iluaqutaasumillu kommunimi kultureqarnermi sunngifmmilu peqatigiifit aaliangiisutut inis- sisimafeqarput. Taamaattumik peqatigiifnnik piumassutsiminnillu suliaqartunik suleqatigiinninnerit nukittorsarniarpagut, taamaalillutik suliaqarnernik siamasissumik neqerooruteqarnissamut pitsaasunik tunngaveqartuarlutillu toqqammavissaqartuassammata.

Katersortarfit, multihalit katersugaasiviillu kultureqarnermut sunngifmmilu sammisassaqartitsinermut toqqammavissiisuupput. Taamaattumik timitalittut atortutsialannik peqarnissaq qularnaarniarparput, tamannalu ilaatigut pisariaqarfini illuutigereekkat iluarsaannerinik aserfallatsaaliornerinillu nassataqarpoq.

Taamaattumik illut sorliit pitsanngorsarneqarlutik atuufnnut sammisanullu amerlanernut atorneqarsinnaasut nalunaarsornissaat sulissutiginiarparput. Assigiinngiiaartunik atuufusinnaasut misileraaviginiarpagut, taamaalillutik atortorissaarutit ulloq unnuarlu, kiisalu ukiuunerani aasaaneranilu atorneqarsinnaassammata. Assigiinngiiaartunik atuufeqarfk nutaanik sanaartornissamut killilimmik periarfssaqarflinni ingammik iluaqutaasuuvoq.

Kommunip pilersaarutaani makku suliaqarfussapput:​

  • Najukkani kinaassuseq pingaartillugu siunissami ineriartortitsineq pissasoq
  • Pilersaarusiornermi innuttaasut peqataatinneqassasut
  • Atortuusiviit pioreersut pitsaanerusumik atorluarneqassasut
  • Siunissami ungasinnerusumi aaqqiissutit ukkatarinerussallugit

Immikkoortunik suliaqarnermi makku samineqassapput:

  • Innuttaasunik peqataatitsinerulerneq akuutitsinerulernerlu
  • Nunaqarfit akornanni ilisimasanik misilittakkanillu avitseqatigiinneq
  • Oqartussaaqataaneq aamma piujuartitsineq pillugit qaammarsaaneq
  • Innuttaasunit ingerlanneqartunik piujuartitsinermik pilersitanut qinnuteqarfusinnaasumik agguaassassanik pilersitsineq
  • Sammivilikkatut pifssamullu ungasissumut iliuuserisassat pillugit nunaqarfnni aqutsisuniknajugakkamilu ataatsimiititalianik oqaloqateqarnerit